لاہور۔ 29 اگست (اے پی پی) ترجمان پراونشل ڈیزاسٹر مینجمنٹ اتھارٹی پنجاب نا پاننگ ءِ کہ دریائے ستلج اٹی گنڈاسنگھ والا ، ہیڈ سلیمانکی ، ہیڈ اسلام و میلسی سائفن نا ہند آتیا نیامی درجہ نا نوکاپ ءِ، سے شنبے نادے آ جاری بیان اٹی پاننگاکہ گنڈاسنگھ والا نا ہند آ دیر انا ترندی 1 لکھ 8 ہزار کیوسک ءِ، ہیڈ سلیمانکی نا ہند آ دیر انا بننگ 98 ہزار 878و پیش تمنگ 85 ہزار 14 کیوسک ءِ، وخت اس کہ ہیڈ اسلام نا ہند آ دیر انا ترندی 82 ہزار 691 کیوسک ءِ، پنجاب نا ایلو دریاٹی دیر انا ترندی نارمل ءِ،ترجمان مستی پارے کہ نوکاپ آن زہمی علاقہ غاتیٹی کمکی سرجزبرجاءِ، بشام پِر تا چرجوئی ہم 4 ستمبر اسکان برجاسلنگ نا گمان ءِ وخت اس کہ داوخت آ غٹ بھلادریاتا بڑزکوعلاقہ غاتیٹی شنزہ ئی آ پِرتا گمان ءِ۔
