پاکستان وبرازیل نا نیام اٹ سوگو و گہراتعلقداری ءِ، ڈاکٹر ندیم جان نا برازیل نا سفیر تون اوڑدہی ٹی گپ وتران

اسلام آباد۔ 28 اگست (اے پی پی) نگراں بنجائی وزیر قومی جان جوڑی ڈاکٹر ندیم جان پارینے کہ پاکستان و برازیل نا نیام اٹ گہرا و سوگو تعلقداری ءِ، پولیو دین انا چٹفنگ کن گچین گام گیج ترندی اٹ برجاءِ۔ داخیال آتا درشانی ءِ او برازیل نا سفیر اولنتھوئیراتون گپ وتران کرسا کرے ہرادوشنبے نادے آ داڑے اوڑتون اوڑدہی کرے۔ اوڑدہی ٹی بنجائی سیکرٹری جا ن جوڑی افتخار شلوانی ئسک ہم ساڑی ئس۔ برازیل نا سفیر ڈاکٹر ندیم جان ءِ وزیر جان جوڑی نا قلمدان ءِ سنبھالنگ آ مبارکبادی تس۔ اوپارے کہ اومیت کیوہ جہانی شہرت یافتہ جان جوڑی نا ماہر نا تعیناتی ہیلتھ انا بشخ انا شونداری کن فائدہ ئی جوڑ مریک۔ اوڑدہی ٹی ہڑتوم آ کنڈآتا تعلقداری تون اوار تین پہ تینی است خواہی نا امور آ گپ وتران کننگا۔ اوڑدہی ٹی ڈاکٹر ندیم جان پارے کہ پاکستان و برازیل نا نیام اٹ گہرا و سوگو تعلقداری ءِ۔ ہڑتوم آ ملک آتا نیام اٹ واپاری تعلقداری و کمکاری ستاکڑزک۔ وزیراعظم نا کماشی ٹی ملک انا شونداری و شونہالی نا ایجنڈا نا پوروی کنا مشن ءِ۔ اوپارے کہ پولیو نا چٹفنگ کن مربوط حکمت عملی اس ٹہیفنگ سنجیدہ گام گیج آتیا عملدرآمد بناءِ و دانا چٹفنگ  کن گچین گام گیج ترندی اٹ برجاءِ وخت اس کہ گلوبل ہیلتھ سیکورٹی نا نظام ءِ سوگو کننگ و یونیورسل ہیلتھ کوریج ءِ پک کننگ کن گچین گام گیج کننگ انگ ءِ۔ اوپارے کہ دین تیان رکھ تخنگ کن مربوط حکمت عملی اس ٹہیفنگانے۔ ہسپتال آتیٹی جان جوڑی نا آسراتی تے پوسکن آ وڑتتون ہم گرنچ کننگ انگ ءِ۔ دین اتون مون تننگ کن بارڈر ہیلتھ سروسز پاکستان ءِ سوگو کننگ ءِ۔ ندیم جان پارے کہ انٹرنیشنل  ہیلتھ ریگولیشن نا سلاہ و سوج آتیا ہم عملدرآمد ءِ پک کننگ ءِ۔