جہانی برادری مقبوضہ جموں وکشمیر اٹی انسانی حق انا خلاف ورزی تیا بھارت ءِ جوابدہ کے، مشعال ملک

اسلام آباد۔ 28 اگست (اے پی پی) نگراں سلاہکار انسانی حق مشعال ملک جہانی برادری آ زور شاغانے او مقبوضہ جموں وکشمیر اٹی انسانی حق انا خلاف ورزی تیا بھارت ءِ جوابدہ گوندے۔ کشمیر میڈیا سروس نا رداٹ اسہ نجی نیوز چینل اسے تون گپ وتران کرسا اوپارے کہ کشمیری تے ہم ایلو قوم تیانبار تینا آکبت نا فیصلہ ءِ کننگ نا حق تننگے۔ اوپارے کہ بھارت ءِ جمہوریت ، اقوام متحدہ نا قرارداد و کشمیری الس نا مرضی نا شرف ءِ کروئی مریک۔ اوپارے کہ ہمووخت مراف ہراتم بھارت تینا ہی ایجنڈا و جارحانہ پالیسی تا گواچی مریک۔ مشعال ملک پارے کہ اقوام متحدہ نا سلامتی کونسل نا آخبتی باسک آک و مذہب دنیا کشمیر نا ویل انا بارواٹی اقوام متحدہ نا قرارداد آتیا عملدرآمد ءِ پک کننگ کن تینا کڑد ءِ اداکے۔ اوپارے کہ کشمیری اقوام متحدہ نا چارٹر نا رداٹ تدوک آ کیہی دہائی آن تینا حق خودارادیت نا دوئی کننگ کن جہد کننگ ءُ و دا جہد ہمووخت اسکان برجاسلک ہراتم اسکان کشمیری تے استصواب رائے نا حق تننگپک۔