اسلام آباد۔ 25 اگست (اے پی پی) روشن ڈیجیٹل اکائونٹس نا کمک اٹ سمندر پار پاکستانی تا زرکاری نا کچ 731 ملین ڈالر آن گدرینگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ ستمبر 2020آن ہلیس جولائی 2023نا ایسر اسکان روشن ڈیجیٹل اکائونٹس نا کمک اٹ سمندر پار پاکستانیک 731 ملین ڈالر نا زرکاری کریر۔ سمندر پار پاکستانیک پوسکن آ پاکستان روایتی سرٹیفکیٹ اٹی 319 ملین ڈالر، پوسکن آ پاکستان اسلامی سرٹیفکیٹ اٹی 390 ملین ڈالر و پاکستان اسٹاک ایکسچینج اٹی 20 ملین ڈالر زرکاری کریر ۔ حساب وکتاب نا رداٹ ستمبر2020آن ہلیس جولائی 2023نا ایسر اسکان روشن ڈیجیٹل اکائونٹس نا کمک اٹ سمندر پاکستانی تا زرراہی تس نا جم کچ 6.487ارب ڈالر اسکان سرمسنے۔ جولائی ٹی سمندر پار پاکستانیک روشن ڈیجیٹل اکائونٹس نا کمک اٹ 137 ملین ڈالر نا زرمبادلہ ملک آ مون تسر۔
