اسلام آباد۔ 25 اگست (اے پی پی) اسلام آباد ہائی کورٹ مسکوہی وزیراعظم نا سزا معطلی نا درخواست آ سماعت ءِ دوشنبے اسکان ملتوی کرے۔ جمعہ نادے آ عدالت عالیہ نا چیف جسٹس عامر فاروق نا کماشی ٹی جوڑ اِراباسکی بنچ پاکستان تحریک انصاف نا بانی چیئرمین نا سزامعطلی کن دائر درخواست آ سماعت کرے۔ داوخت آ الیکشن کمیشن نا وکیل امجد پرویز ایڈووکیٹ نا کمکار وکیل عدالت اٹ پیش مس و موقف اختیار کرے کہ امجد پرویز ناجوڑی نا سوب آن پیش مننگ کتو۔ امجدپرویز نا کمکار وکیل عدالت ءِ پارے کہ تدوک آ 8 تُوآن نن التواہ خواتون ، ڈاکٹر بیڈ ریسٹ سلاہ کرے و کنا وکالت نامہ داکیس اٹی اف۔ داڑآ عدالت الیکشن کمیشن نا وکیل امجد پرویز ایڈووکیٹ نا التوانا درخواست ءِ منظور کرسا سماعت ءِ دوشنبے اسکان ملتوی کرے۔
