اسلام آباد۔ 24 اگست (اے پی پی) نگراں بنجائی وزیر تعلیم و کسبی تربیت مددعلی سندھی اسلام آباد کالج فار گرلز F-6/2آئی سی جی نا اناگت دورہ ءِ کرے۔ پنچ شنبے نادے آ تینا دورہ ٹی بنجائی وزیر تعلیم کالج نا انفراسٹرکچر ءِ بھاز گچین گوندسا تعجب نا درشانی ءِ کرے کہ اسلام آباد نا اسہ ہی سیکٹراٹی اسہ اسکول اسے نا حالیت خراب ءِ و ارٹ میکو کالج بھاز سہی ءِ۔ اوپارے کہ دا حیرانگی نا ہیت اسے کہ غٹ آسراتی تیان پد ہم انٹرمیڈیٹ نا رزلٹ اٹ بیرہ اسہ پوزیشن ایف ڈی ای کالجز آن ءِ۔ بنجائی وزیر پارت کرے کہ کالج اٹ جوڑ جاڑ و المی کاریم تیکن فنڈز دمدستی ریلیز کننگے۔ اوپارے کہ دا کالج 1968اٹی جوڑ مس ولے داسکان درکار نتیجہ غاتے دوئی کننگ کتنے۔ اودانا سوب آتے ہُننگ کن ایف ڈی ای نا بریفنگ ءِ طلب کرے تانکہ ویل آتا ایسری کن لائحہ عمل اس طے کننگ مرے۔
