اسلام آباد۔ 24 اگست (اے پی پی) نگراں بنجائی وزیر قومی جان جوڑی ڈاکٹر ندیم جان پارینے کہ متحدہ عرب امارات پاکستان نا سوگو و قابل قدر شریدار ءِ، ہڑتوم آ ملک آتا نیام اٹ ایلمی تعلقداری بروک آ وخت آتیٹی پین سوگو مریک، پاکستان و دنیا غان پولیو نا چٹفنگ کن سنبرینگوک اُن۔ داخیال آتا درشانی ءِ او متحدہ عرب امارات نا سفیر حما دعبید ابراہیمی الزابی تون گپ وتران کرسا کرے ہرا پنچ شنبے نادے آ داڑے اوڑتون اوڑدہی کرے۔ اوڑدہی ٹی سیکرٹری جان جوڑی افتخار علی شلوانی ہم ساڑی ئس۔ داوخت آ ڈاکٹر ندیم جان پارے کہ متحدہ عرب امارات پاکستان نا سوگو و قابل قدر شریدار ءِ۔ ہڑتوم آ ملک آتا نیام اٹ برادرانہ تعلقداری بروک آ وخت آتیٹی پین سوگو مریک۔ اوپارے کہ پاکستان و دنیا غان پولیو نا چٹفنگ کن سنبرینگوک اُن۔ داسال نا ایسر اسکان دین انا تالانی ءِ توننگ خواوہ ہراڑکن جوان حکمت عملی اس جوڑ کرینن۔ اوپارے کہ پولیو پروگرام ءِ ٹاسک تسونن ۔ پولیو نا چٹفنگ کن تینا کوشست آتا بھلو بشخ اس وقف کننگ اٹی اُٹ۔ داوخت آ متحدہ عرب امارات نا سفیر ڈاکٹر ندیم جان ءِ پاکستان نا وزیر جان جوڑی نا وڑاٹ تقرری نا ستاءِ کرے۔ اوپارےکہ ٹاپ ہیلتھ ایکسپرٹ نا تعیناتی ءِ بطور وزیرجان جوڑی ستاکڑزک۔ جہانی شہرت تخوک پبلک ہیلتھ ایکسپرٹ ءِ جان جوڑی نا بشخ انا کماشی ءِ تننگ ریاست نا سنجیدگی نا ڈیک ءِ ایتک۔
