راولپنڈی۔ 24 اگست (اے پی پی) منشیات تورفورس (اے این ایف) چندی کارروائی تیٹی 445 کلو گرام منشیات دوئی کرسا اسہ اوغان باتی اسے تون اوار 7 دوبہ دار ءِ دزگیر کرینے۔ ترجمان اے این ایف نا رداٹ منشیات تور فورس رنگ روڈ پشاور نا خڑک ایمبولینس آن 10 کلو 800 گرام ہفیم و 36 کلو چرس دوئی کرسا 1 اوغان باتی اسے تون اوار ہنگو نا ہنکینی 3 دوبہ دار ءِ دزگیرکرے۔ باچہ خان انٹرنیشنل بالی پٹ آ کروک آ کارروائی ٹی مسافر اسے نا ٹرالی بیگ آن 2 کلو 730 گرام آئس دوئی کننگا، ہرافتے ہرفسا پشاور ناہنکینی دوبہ دار اس قطر اکن روانہ مسکہ۔ ترجمان پارے کہ خیبراٹی کارروائی اسے ٹی ہندی ہنکینی آن 5 کلو چرس دوئی کننگا، گوجرانوالہ نا علاقہ چن نا قلعہ ٹی گاڈی اسے آن 180 کلو گرام چرس دوئی کرسا گوجرانوالہ نا ہنکینی دوبہ داراسے دزگیر کننگا۔ دوبہ دار نا پیدواری آ اُراٹی سلوک اسہ پین گاڈی اسے آن 36 کلو ہفیم دوئی کننگا، فیصل آباد اٹی ہندی موٹرسائیکل سُوار اسے آن 600 گرام ہیرون دوئی کننگا وخت اس کہ کچلاک بائی پاس کوئٹہ نا خڑک سمگلنگ کن اودیم کروک 67 کلو ہفیم و 103 کلو مارفین دوئی کننگا۔ ترجمان پارے کہ دوبہ دار نا برخلاف منشیات تور ایکٹ نا رداٹ مقدمہ درج کرسا مستی جاست وپاست نا بنا ءِ کننگانے۔
