اسلام آباد۔ 23 اگست (اے پی پی) صدر مملکت ڈاکٹر عار ف علوی بٹگرام اٹی کیبل کار اٹی اختہ مسافر آتے بچفنگ ناسرسہب آپریشن آ خوشی نا درشانی ءِ کرسا آخبت اٹ اوفتا رکھ اکن غٹ ہندی چیئرلفٹ آتا سیفٹی سروے ءِ کرفنگ آ زور شاغانے۔ سے شنبے نادے آ صدر ٹویٹر آ نوشتہ کرے’’ای بٹگرام چیئر لفٹ نا غٹ چناتا رکھ بچفنگ نا بارواٹی بنسا پرجوش اُٹ‘‘۔ اودا ’’بے کچ نازرک‘‘ ریسکیو ٹی عزم و نرزوری نا درشانی ءِ کننگ آ فوجی کارندہ، ہندی ریسکیو و مچ آ انتظامیہ نا ستاءِ کرے۔ صدر انتظامیہ غاز ور شاغا کہ او داوڑنا غٹ ہندی چیئرلفٹ آتا اسہ جوان ءُ سروے اس کرفے تانکہ آخبت اٹ مخلوق نا رکھ ءِ پک کننگ مرے۔
