اسلام آباد۔ 23اگست (اے پی پی) چیئرمین سینیٹ محمد صادق سنجرانی تون کوئٹہ الیکٹرک سپلائی کمپنی (کیسکو) نا چیف ایگزیکٹیو آفیسر عبدالکریم جمالی چارشنبے نادے آ پارلیمنٹ ہاؤس اٹی اوڑدہی کرے و بلوچستان اٹ بجلی نا بے سلنگ آن فراوانی نا امور آ گپ وتران کرے۔ سینیٹ سیکرٹریٹ نا کنڈآن جاری بیان نا رداٹ کیسکو نا سروک بجلی نا گچین و بے سلنگ آن فراوانی نا بارواٹی تینا حکمت عملی و گام گیج آتا بابت چیئرمین سینیٹ ءِ معلومدار کرے  ہرانا مسخت بلوچستان اٹی بجلی نا بشخنگ نا بنداوی پنجر ءِ ودفنگ ءِ تانکہ ڈیہہ انا توانائی نا ودوک  آ گرج آتے پورو کننگ مرے۔ چیئرمین سینیٹ محمد صادق سنجرانی بلوچستان نا راجی و اقتصادی شونداری کن سوگو وپائیدار بجلی نا فراوانی نا اہمیت آ زور شاغا۔ اوصوبہ بلوچستان ءِ توانائی نا بابت مون تروک چیلنج آتون مون تننگ کن تینا عزم انا درشانی ءِ کرسا صوبہ نا ہنکینی تا راجی آسودہی و شونداری ءِ پک کننگ کن حکومتی ادارہ و پاور یوٹیلیٹیز تا نیام اٹ اسیجائی کوشست آتا گرج ءِ تالان کرے ۔ محمد صادق سنجرانی توانائی نا بنداو ی پنجر ءِ گچین کننگ کن کیسکو نا کوشست آتا ستاءِ کرے۔ اوڑدہی ٹی توانائی نا بابت چیلنج آتا مون ءِ توننگ و بلوچستان نا کونہ کونہ اسکان آخبتی بجلی نا فراوانی نا اسیجائی ہدفءِ دوئی کننگ کن حکمت عملی تے ہم گرنچ کننگ نا اہمیت آ زور شاغا۔ داوخت آ کیسکو نا سی ای او و چیئرمین سینیٹ ڈیہہ انا توانائی نا بابت گڑتی تے مر کننگ کن کمکار، شفافیت و گچین رابطہ کن تینا عزم انا درشانی ءِ کرے۔ 

متعلقہ مضامینمصنف کی طرف سے مزید