نگراں وزیراعلیٰ بلوچستان میر علی مردان ڈومکی تون نگراں بنجائی وزیر مواصلات اشرف تارڑ نااوڑدہی

کوئٹہ۔ 23 اگست (اے پی پی)نگراں وزیراعلیٰ بلوچستان میر علی مردان ڈومکی تون چارشنبے نادے آ داڑے نگراں بنجائی وزیر مواصلات اشرف تارڑ اوڑدہی کرے۔ اوڑدہی ٹی بلوچستان ناقومی شاہراہ تا  تفنگ و جوڑ جاڑ و ودکی نا ڈٹ آتیا گپ وتران کننگا ممبر این ایچ اے سائوتھ شاہراہ تا تفنگ نا ڈٹ آتا پیش رفت آ حوال تس۔ نگراں بنجائی وزیر اشرف تارڑ پارے کہ نگراں وزیراعظم نا پارت آ بلوچستان نا دورہ ءِ کننگ اٹی اُٹ، نگراں وزیراعظم نا پارت ءِ کہ بلوچستان نا شاہراہ تا ڈٹ آتا پوروی ءِ اولیتی بنداو تیا پورو کننگے۔ اوپارے کہ این50 کوئٹہ ژوب، این 50 کوئٹہ، جیکب آباد و این 25 کوئٹہ، کراچی نا ڈٹ آتا پوروی اولیت ءِ ، دا غٹ ڈٹ آتے فاسٹ ٹریک آ شاغنگک۔ بنجائی وزیر پارے کہ پنجرہ پول انا تفنگ نا بناءِ  داسال یکم ستمبرآن مریک کوئٹہ نا دیکی بائی پاس نا ودکی نا ڈٹ آ کاریم نا رفتار ءِ ترند کننگانے ، کولپور آن جیکب آباد ہڑتوم آ کنڈ شاہراہ تا تفنگ نا ڈٹ انا پی سی ون منظور مسنے این ایچ اے دوئی فنڈ آتا بھلا بشخ ءِ بلوچستان اٹی خڑچ کیک ۔ نگراں وزیراعلیٰ بلوچستان میر علی مردان خان ڈومکی پارے کہ خوشی ءِ کہ وزیراعظم نا پارت آ بنجائی حکومت بلوچستان آ چکار کننگ نا بناءِ کرے اخس کہ وخت ملانے الس نا خذمت کن کاریم اٹ اتینہ۔ اوپارے کہ کوئٹہ کراچی شاہراہ نا زہمی پول آتا دمدستی بحالی اہمیت تخک دا شاہراہ غا زہمی پول آتا سوب آن الس ءِ بھاز مشکل مون تروک ءِ ، داوخت آ نگراں بنجائی وزیر ممبر این ایچ اے  ءِ زہمی پول آتا بحالی کن ہلہلہ بنداو تیا گام گیج نا پارت کرے۔