اسلام آباد۔22اگست (اے پی پی): ادارکی مزن وزیر انوار الحق کاکڑ ءَ زر باری وزیرستان ءَ پاک فوج ءِ ورنا آنی شہید بوھگ ءِ پد ءَ جھلانکیں ڈکھ ءُ اندوھ ءِ درشان ءَ کنان ءَ گوشتگ کہ اے ورنا آنی قربانی مپت ءَ نہ رونت ءُ مئے ملک ءَ چہ ناشرکار آنی زوت ھلاسی بیت۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑیں بوتگیں بیان ءِ رد ءَ ادارکی مزن وزیر ءَ زر باری وزیرستان ءِ دمگ اسمان منزہ ءَ ناشرکار آنی گوما فائرنگ ءِ سبب ءَ پاک فوج ءِ ورنا آنی شہید بوھگ ءِ پد ءَ جھلانکیں ڈکھ ءُ اپسوزی ءِ درشان کتگ۔ آئی ءَ گوشت کہ ناشرکار آں گوں دیم پہ دیمی ءَ کنان ءَ جام ءِ شہادت نوش کنوکیں سیکورٹی فورسز آنی 6 ورنا ملک ءُ راج ءِ واستہ پھر انت۔ من ءَ ھوار سرجمیں راج وتی شہید آناں توسیپ ءُ ستا پیش کنت۔ آئی ءَ گوشت کہ پاک فوج ءِ اے ورنا آنی قربانی مپت ءَ نہ رونت ءُ مئے ملک ءَ چہ ناشرکاری زوت ھلاس بیت۔
