راولپنڈی۔ 22 اگست (اے پی پی) سویلی وزیرستان نا علاقہ اسمان منزہ ٹی سیکورٹی فورس و دہشت گرد آتا نیام اٹ اسہ ایلو آ سم کاری ٹی 4 دہشت گرد زوال و 2 ٹھپی مسر وخت اس کہ پاک فوج انا 6 ورنا شہید مسر۔ آئی ایس پی آر نا رداٹ 22 اگست 2023 آ سویلی وزیرستان نا علاقہ اسمان منزہ ٹی سیکورٹی ورنا و دہشت گرد آتا نیام اٹ اسہ ایلو آ سم کاری مس۔ سیکورٹی فورس آک گچین وڑاٹ دہشت گرد آتا ٹھکانہ غاتے شست کریر ہراٹی 4 دہشت گرد خلنگار وخت اس کہ 2 ٹھپی مسر۔ اسہ ایلو آ سم کاری ٹی پاک فوج انا 6 نرزور سپاہی شہید مسر۔ علاقہ ٹی ساڑی ایلو دہشت گرد آتے چٹفنگ کن کلیئرنس آپریشن برجاءِ۔ آئی ایس پی آر نا پاننگ ءِ کہ پاکستان نا سلہہ بند فوج دہشت گردی نا لعنت ءِ چٹفنگ کن سنبرینگوک ءِ و ننا نرزور سپاہی تا داوڑنا قربانی ننا عزم ءِ پین سوگو کیک۔
