اسلام آباد۔ 22 اگست (اے پی پی) اسپیکر قومی اسمبلی راجہ پرویز اشرف بٹگرام اٹی پاشتو نا ہند آ چیئرلفٹ اٹی اختہ بندغ آتیکن دمدستی وڑاٹ رکھی گام گیج آتے ترند کننگ نا پارت کرینے۔ سے شنبے نادے آ او پارت کرے کہ چیئرلفٹ اٹی اختہ چناو استاد آتا جان تے بچفنگ کن دمدستی وڑاٹ کمکی کارروائی تے زوت آن زوت کننگے۔ او چیئر لفٹ اٹی ساڑی چناو استاد آتے بچفنگ کن دمدستی وڑاٹ ہیلی کاپٹر گدریفنگ و غٹ وسیلہ غاتے کاریم اٹ اتنگ نا پارت کرے و پارے کہ اللہ تعالیٰ آن غٹ بندغ آتا حفظ و امان کن دعا کیوہ۔
