اسلام آباد۔ 22 اگست (اے پی پی) نگراں بنجائی وزیر جا ن جوڑی ڈاکٹر ندیم ججان پارینے کہ چنکو مد اسے ٹی ڈریپ نا کارکڑد ءِ گچین کننگ کن گچین حکمت عملی اس جوڑ کرسا بسونٹ، الس نا راجی آسودہی کنا ایجنڈا و مشن ءِ، دوائی تا کوالٹی آ و آب آ ہچ ءُ سمجھوتہ اس کپنہ۔ داخیال آتا درشانی ءِ او سے شنبے نادے آ تینا کماشی ٹی ڈرگ ریگولیٹری اتھارٹی نا دیوان اٹی گپ وتران کرسا کرے۔ داوخت آ سیکرٹری جان جوڑی افتخار شلوانی، ایڈیشنل سیکرٹری کامران رحمان ئسک ہم ساڑی ئسر۔ دیوان اٹی چیف ایگزیکٹیو آفیسر ڈریپ وزیر جان جوڑی ءِ حوال تس۔ وزیر جان جوڑی ءِ ڈریپ نا فنکشن چیلنج و کارکڑد نا بارواٹی معلومدار کرے۔ ڈاکٹر ندیم جان جان جوڑی نا بشخ انا گچینی و شاری تاجان جوڑی نا رکھ اکن تینا بدل مفروک عزم آ زور شاغا۔ اوپارے کہ چنکو مد اسے ٹی ڈریپ نا کارکڑد ءِ گچین کننگ کن گچین حکمت عملی اس جوڑ کرسا بسونٹ۔ دا مربوط حکمت عملی نا سوب آن ڈریپ نا کارکڑد و دوائی تا نظام اٹ یقینا گچینی بریک۔ نگراں وزیر جان جوڑی پارے کہ الس نا راجی آسودہی کنا ایجنڈا ومشن ءِ۔ دوائی تاکوالٹی و آب آ سمجھوتہ کپنہ۔ دوائی تا ایکسپورٹ ءِ ودفنگ کن گچین گام گیج کننگک۔ پاکستان نا مارکیٹ اٹی بھاز پوٹینشل ءِ۔ دوائی تا برآمد آتے مربوط کوشست آتا کمک اٹ اِرا ہنداخہ کننگ مریک۔ اوجون ءِ بچفوک آ دوائی تا بے سلنگ آن فراوانی ءِ پک کننگ نا پارت کرے۔ ندیم جان پارے کہ مچ آ ملک اٹی دوائی تا مصنوعی کاختی ءِ سگنگ مفک۔ دوائی تا مصنوعی کاختی ءِ توننگ کن غٹ تر المی گام گیج آتے پک کینہ۔ جعلی و ان رجسٹرڈ دوائی تا توننگ کن صوبہ غاتون اواری اٹ مربوط حکمت عملی اس ٹہیفینہ۔ ڈریپ دوائی تا کاختی ءِ چٹفنگ کن اسہ موبائل ایپلی کیشن اس ہم لانچ کیک ہراڑا الس و خوردہ فروش جیو ٹیگنگ نا کمک اٹ دوائی تا کاختی ناغاو ءِ تننگ کیرہ۔
