پاکستان و ایران ڈیہہ انا شونداری کن کوشست، ہڑتوم آ ملک آتا مماثلت ہڑتوم آ کنڈآتا کمکاری کن سوگو ءُ بنداو اس فراوان کیک، چیئرمین سینیٹ محمد صادق سنجرانی

اسلام آباد۔ 22 اگست (اے پی پی) چیئرمین سینیٹ محمد صادق سنجرانی پارینے کہ پاکستان و ایران ڈیہہ انا شونداری و شونہالی نا تغ ءِ پورو کننگ کن کوشست کننگ ءُ، ہڑتوم آ ملک آتا مذہبی، دودوربیدگی و راجی مماثلت  ہڑتوم آ کنڈآتا کمکاری ءِ مون آ دننگ کن سوگو ءُ بنداو اس فراوان کیک۔ داخیال آتا درشانی ءِ او ایران نا سفیر ڈاکٹر رضاامیری مقدم تون گپ وتران کرسا کرے ہرا سے شنبے نادے آ داڑے پارلیمنٹ ہاؤس اٹی اوڑتون اوڑدہی کرے۔ اوڑدہی ٹی تین پہ تینی است خواہی نا امور تون اوار پاکستان و ایران نا نیام اٹ پارلیمانی رابطہ ، واپاری کمکاری و ہڑتوم آ کنڈآتا اقتصادی تعلقداری نا سوگوی نا بارواٹی سرجمی اٹ گپ وتران کننگا۔ چیئرمین سینیٹ پارے کہ پاکستان و ایران ڈیہہ انا شونداری و شونہالی نا تغ ءِ پورو کننگ کن کوشست کننگ ءُ۔ ہڑتوم آ ملک آتا مذہبی، دودوربیدگی و راجی مماثلت ہڑتوم آ کنڈآتا کمکاری ءِ مون آ دننگ کن سوگو ءُ بنداو اس فراوان کیک، ہڑتوم آ تا نیام اٹ جہانی کہول آ کمکاری سفت نا قابل ءِ۔ اوپارے کہ پاکستان ایران تون تینا تاریخی تعلقداری تے بھاز اہمیت ایتک۔ چیئرمین سینیٹ ہڑتوم آ ملک آتا نیام اٹ تعلقداری تے سیاسی ، راجی و اقتصادی کہو ل آ پین سوگو کننگ آ زور شاغسا پارے ک پاکستان و ایران مدا اسہ ایلو تون جہانی فورم تیا کمک کرینو۔