اسلام آباد۔ 21 اگست (اے پی پی) صدر مملکت ڈاکٹر عارف علوی ءِ آڈیٹر جنرل آف پاکستان محمد اجمل گوندل مالی سال 2022-23نا رپورٹ ءِ پیش کرے۔ داوخت آ صدر مملکت آڈٹ عمل ءِ پین گچین کننگ کن پوسکن آ انفارمیشن ٹیکنالوجی نا کاریم اٹ اتنگ نا گرج آ زور شاغسا پارے کہ آڈٹ عمل اٹ گچینی آن ملک اٹی گچین گورننس، شفافیت و احتساب نا مون آ دننگ اٹ کمک رسینگک ۔ ایوان صدر نا پریس ونگ انا رداٹ آڈیٹر جنرل آف پاکستان دوشنبے نادے آ داڑے ایوان صدر اٹی صدر مملکت ءِ مالی سال 2022-23نا رپورٹ پیش کرے۔ داوخت آ صدر مملکت ملک اٹی مالی نظم و ضبط ءِ برقرار تخنگ اٹ آڈیٹر جنرل آف پاکستان نا ادارہ نا کڑد انا ستاءِ کرے و داہیت آ زور شاغا کہ آڈیٹر جنرل ملک اٹی آڈٹ نا نظام اٹ پین گچینی کن گام گیج کے۔ اوپارے کہ آڈیٹر جنرل ادارہ ءِ پین گچین کننگ کن ہدف آتا تعین ءِ کننگے۔ آڈیٹر جنرل حکومت ءِ گچین گورننس نا مون آ دننگ اٹ پبی کمک فراوان کے۔ صدر مملکت پارے کہ گچین اندرونی کنٹرول، ٹیکنالوجی، آٹومیشن و جہانی آب انا رداٹ آڈٹ نا وڑوڈول آتے تینا کننگ نا گرج ءِ۔
