اسلام آباد۔ 21 اگست (اے پی پی) نگراں بنجائی وزیر تعلیم و کسبی تربیت مدد علی سندھی پارت کرینے کہ بنجائی دارالحکومت نا غٹ سرکاری اسکول آتیٹی بنداوی آسراتی تے اسہ ہفتہ ٹی گچین کننگے، او تعلیمی ادارہ غاتا حالیت آتے ہُننگ کن اناگت دورہ غاتا چرجوئی ءِ برجاتخک۔ دوشنبے نادے آ نگراں بنجائی وزیر تعلیم اسلام آباد ماڈل اسکول ایف سکس تھری نا اناگت دورہ ءِ کرے، داوخت آ او اسکول نا پرنسپل نا ساڑی مفننگ نا نوٹس ءِ ہلک۔ مدد علی سندھی اسکول نا بنداوی آسراتی تا خستہ حالی آ سخت گڑتی نا درشانی ءِ کرے۔ اوپارے کہ داسلام آباد نا اہم انگا علاقہ نا اسکول ءِ،اسکول نا پینٹ، پلے گراؤنڈ و واش روم تا حال ءِ خناٹ بھاز ڈکھیائی مس۔ باسنی نا چھٹی تیٹی داغٹ کاریم ءِ بایدے پورو کننگوسس۔ اوپارت کرے کہ ہفتہ ٹی دا غٹ کاریم ءِ پورو کننگے۔ اوپارے کہ او اسکول آتا اناگت دورہ ءِ برجاتخک۔ اودااومیت نا درشانی ءِ کرے کہ اسلام آباد نا غٹ اسکول ایلو پاکستان کن ماڈل اس مریرہ ۔
