اسلام آباد۔ 21 اگست (اے پی پی) نگراں وزیر قومی جان جوڑی ڈاکٹر ندیم جان پارینے کہ یونیسیف نا خذمت آتے جان جوڑی نا بشخ اٹی قدرانا نظر اٹ ہرنہ، ملک آن پولیو ءِ پاک کننگ نا عزم کرینن، غذائی کاختی نا مون ءِ توننگ کن اسہ مربوط حکمت عملی اسے نا رداٹ کاریم کننگ اُن۔ داخیال آتا درشانی ءِ او یونیسیف نانمائندہ عبداللہ فادل تون گپ وتران کرسا کرے ہرا دوشنبے نادے آ داڑے اوڑتون اوڑدہی کرے۔ اوڑدہی ٹی سیکرٹری جان جوڑی افتخار علی شلوانی ایڈیشنل سیکرٹری کامران رحمان خان و ڈی جی ہیلتھ ہم ساڑی ئسر۔ اوڑدہی ٹی جان جوڑی نا بشخ و تین پہ تینی است خواہی نا امور تیا گپ وتران کننگا۔ داوخت آ یونیسیف نا نمائندہ عبدللہ فادل وزیر جان جوڑی ءِ اہم زمواری ملنگ آ مبارکبادی تس۔ اوپارے کہ نا قائدانہ لائخی تیان جان جوڑی نا بشخ اٹی گچینی بریک، نا آزموندہ غان جان جوڑی نا بشخ اٹی نمان گچینی بریک، نا جان جوڑی نا بشخ اٹی خذمت ستاکڑزک۔ اوپارے کہ جان جوڑی نا بشخ انا گچینی کن یونیسیف نا ادارہ ہرممکن کمک فراوان کرسا کیک۔ جان جوڑی نا بشخ اٹی گچینی کن وزارت تون اواری اٹ کاریم کننگ اُن۔ داوخت آ نگراں وزیر جان جوڑی ڈاکٹر ندیم جان پارے کہ یونیسیف نا خذمت آتے جان جوڑی نا بشخ اٹی قدر انا نظر اٹ ہرنہ۔ یونیسیف ہر مشکل اٹی پاکستان تون تفینے۔ اوپارے کہ چنکو مد اسے ٹی متاثرکن و مثالی گچینی اتینہ۔ ملک آن پولیو ءِ پاک کننگ نا عزم کرینن، تینا ملک انا عزت کن پولیو نا چٹفنگ کن ہلہلہ ئی بنداو تیا کاریم کینہ۔
