اسلام آباد۔ 21 اگست (اے پی پی) الیکشن کمیشن نا کنڈآن مچ آملک اٹی پوسکن آ حلقہ بندی تیکن کمیٹی تا ٹہیفنگ دوشنبے آن بناکرے۔ الیکشن کمیشن ڈیجیٹل مردم شماری 2023نا حساب وکتاب نا منظوری آن پد مچ آ ملک اٹی پوسکن آ حلقہ بندی کرفنگ نا فیصلہ کرینے۔ دامسخت کن ملک انا غٹ انتظامی یونٹ آتا حد ءِ منجمد کننگانے۔ پوسکن آ حلقہ بندی تیکن انتظامی بست وبند اینو 22 آن 31 اگست اسکان پورو کننگک۔ کمیٹی تیکن ٹریننگ یکم آن 4 ستمبر اسکان مریک۔ دا کمیٹی تتون قومی و صوبائی اسمبلی تا نشست آتا ضلعی کوٹہ نا سرجم آتے 5 آن 7 ستمبر اسکان مہیا کننگک وخت اس کہ دا کمیٹی تا کنڈآن بنائی حلقہ بندی تا پوروی 7 اکتوبر اسکان مریک۔ حلقہ بندی تا بنائی فہرست دا کمیٹی تا کنڈآن 9 اکتوبر آ جاری کننگک ہرافتیا اعتراض 10 اکتوبر آن 8 نومبر اسکان وخت اس کہ دا اعتراض آتے 10 نومبر آن 9 دسمبر اسکان سرتننگک۔ حلقہ بندی تا گڈیکو اشاعت 14 دسمبر آمریک۔
