نگران بنجائی حکومت شفاف، آجو و بے کنڈ ہلوک گچین کاری تا اڈتننگ اٹ الیکشن کمیشن و صوبہ غاتے پورو کمک فراوان کیک، نگران بنجائی وزیر حوالکاری و شینکاری مرتضیٰ سولنگی نا گورنر سندھ اتون ٹیل فون آ گپ وتران

اسلام آباد۔ 21 اگست (اے پی پی) نگران بنجائی وزیر حوالکاری وشینکاری مرتضیٰ سولنگی پارینے کہ نگران بنجائی حکومت شفاف ، آجو و بے کنڈ ہلوک گچین کاری تا اڈتننگ اٹ الیکشن کمیشن و صوبہ غاتے پورو کمک فراوان کیک، آئین نا رداٹ تینا زمواری تے سرایتنہ، کس اسے تون امتیازی سلوک کپنہ۔ داہیت ءِ او گورنر سندھ کامران ٹیسوری تون ٹیل فون آ گپ وتران کرسا پارے۔ مرتضیٰ سولنگی پارے کہ شفاف گچین کاری تا اڈتننگ ننا اسیجائی زمواری ءِ ، آئین نا رداٹ دا اسیجائی زمواری ءِ پورو کینہ۔ گورنر سندھ کامران ٹیسوری مرتضیٰ سولنگی ءِ نگران بنجائی وزیر مننگ آ مبارکبادی تس۔ مرتضیٰ سولنگی پارے کہ او زوت کراچی نا دورہ ءِ کیک ۔