واشنگٹن۔ 21 اگست (اے پی پی) امریکہ نا ریاست نیوجرسی ٹی پاکستانی نژاد امریکی شاریک لمہ وطن نا 76 می یوم آزادی نا چرجوئی ٹی ایڈیسن شار اٹی رنگ رنگی ءُ پریڈ اس اڈ تسر ہراٹی ہزار آ بندغ آک بشخ ہلکر، پریڈ اٹی زیات تر بندغ آک قومی لویس بیناسر، پریڈ اٹی پاکستانی گڑا، سازوزیمل، رقص، دودوربیدگی نمائش، آرٹ و کن و خور پیش کننگا۔ داوخت آ امریکہ ٹی پاکستان نا سفیر مسعود خان پاکستانی شاری تیا زور شاغا کہ او تینا صف آتیٹی سیوت ودی کیر ، لمہ وطن ناشونداری ٹی تینا کڑد و زرکاری کرسا کیر۔ سفیر پارے کہ السی کہول آ ڈل آتا ہن و برنا کمک اٹ پاکستان و امریکہ ءِ خڑک اتنگ کن نمااہم ءُ کڑد اسے۔ اوپارے کہ پاکستان ءِ چندی چیلنج مون تروک ءِ ہرافتیان بحالی ٹی وخت لگک۔ اوسانحہ جڑانوالہ نا مذمت ءِ کرسا پارے کہ دا ملک انا برخلاف سازش نا حصہ ءِ و دانا مرتکب بندغ آتے اوفتے اوفتا کروک ناسزاتننگک۔ مسعود خان پریڈ نا بانی ایماندار ابرار خان ءِ خراج تحسین پیش کرے۔ اواسمبلی نا رک شمع حیدر نا سرسہبی تا ستاءِ کرسا پارے کہ او اولیکو پاکستانی نژاد امریکی زالبول ءِ ہرا ریاست نیوجرسی نا اسمبلی نا باسک گچین مس۔ او پاکستان نا مسکوہی خاتون اول بیگم نصرت بھٹو نا سیکرٹری ئسک۔ داوخت آ منتخب نمائندہ غاک یوم آزادی نا مبارکباد پیش کریر و نیوجرسی نا شونداری ٹی پاکستانی پردیسی تا کمکاری نا ستاءِ کرے۔ اوفتے ٹی اسمبلی نا اسپیکر کریگ کوفلن، کانگریس نا باسک فرینک پالون و اسمبلی نا خاتونباسک شمع حیدر ئسک اوار ئسر۔
