اسلام آباد۔ 21 اگست (اے پی پی) روسی سفیر ڈینیلا گاینچ پارینے کہ روس وپاکستان نا تین پہ تینی تعلقداری ہڑتوم آ ملک آتا قومی فائدہ و جہانی سوگوی کن المی ءِ، پاکستان نا علاقہ اقبال اوپن یونیورسٹی ٹی روسی فیڈریشن نا وزارت تعلیم نا اوپن ایجوکیشن سینٹرپارک۔ روس تعلقداری تے پین سوگو کننگ اٹ مزل نا نشان مریک۔ داخیال آتا درشانی ءِ او تدوک آ دے علامہ اقبال اوپن یونیورسٹی ٹی روسی زبان ءِ ہیل تننگ کن روس انا تہذیب و دودوربیدگ آ تالان ’’اوپن ایجوکیشن سینٹر‘‘ نا بنائی دود اقبال اوپن یونیورسٹی ٹی روسی زبان ہیل تننگ کن روس انا تہذیب و دودوربیدگ آ تالان ’’اوپن ایجوکیشن سینٹر‘‘ نا بنائی دود آن تران کرسا کرے۔ سینٹر نا بنائی دود انا وخت آ روس انا یورال اسٹیٹ پیڈاگوجیکل یونیورسٹی نا ریکٹر ڈاکٹر سویتلانا مینوروو، علامہ اقبال اوپن یونیورسٹی نا وائس چانسلر پروفیسر ڈاکٹر ناصر محمود، یونیورسٹی نا ڈینز و پرنسپل آفیسر آک ساڑی ئسر۔ روسی سفیر مستی پارے کہ ہڑتوم آ ملک آتا جامعہ غاتا تعلقداری سوگو کننگ و اسیجائی ہدف آتا کسر پٹنگ نا گرج ءِ۔ وائس چانسلر پروفیسر ڈاکٹر ناصر محمود، پارے کہ روس وپاکستان نا نیام اٹ 75 سال آن سوگو تعلقداری ءِ و نن ہڑتوم آ ملک آتا جامعہ غاتا نیام اٹ تعلیمی شریداری اٹ دا تعلقداری تے پین گچین کننگ نا است خواہی تخنہ۔
