اسلام آباد۔ 18 اگست (اے پی پی) پنی آ فنکار، فلم پروڈیوسر و ہدایت کار جمال شاہ نگران حکومت اٹی سوغند ہرفنگ آن پد جمعہ نادے آ وزارت قومی میرات و دودوربیدگ نا دورہ ءِ کرے و تینا عہدہ نا چارج ءِ سنبھالا۔ بنجائی وزیر قومی میرات و دودوربیدگ زمواری تے سنبھالنگ آن پد وزارت اٹی سیکرٹری فارینہ مظہر و قومی میرات و دودوربیدگ ڈویژن نا ایلو آفیسر آتون اوڑدہی کرے۔ بنجائی سیکرٹری جمال شاہ ءِ درستی راستی حوال تسر و اودے ہیریٹیج اینڈ کلچر ڈویژن نا کاریم نا بارواٹی معلومدار کرے۔ آفیسر آتیان تران اٹی بنجائی وزیر پارے کہ او ملک اٹی دودوربیدگ و فنکار برادری نا گچینی و شونداری کن کاریم کینہ۔ جمال شاہ پارے کہ او دا عہدہ ءِ اسہ چیلنج اسے نا وڑاٹ امنا کرینے و اوتینازمواری تے پورو خواری و لگن اتون پورو کیک۔
