اسلام آباد۔ 18 اگست (اے پی پی) نگران بنجائی وزیر ریلوائی کیپٹن (ر) شاہد اشرف تارڑ وزارت ریلوائی نا چارج ءِ سنبھالا۔ وزارت ریلوائی نا آفیسر آک بنجائی وزیر ءِ بخیر کریر۔ بنجائی وزیر وزارت ریلوائی نا دورہ ءِ کرے و آفیسر آتون اوڑدہی کرے۔ بنجائی سیکرٹری ریلویز سید مظہر علی شاہ ریلوائی نا انتظامی و آپریشنل باندات آتیا حوال تس۔ داوخت آ بنجائی وزیر پارے کہ مسافر آتا رکھ اولیت ءِ، ٹرین آپریشن غٹ اکن خوشگوار و رکھ مرے۔ داچرجوئی ٹی وزارت و اوڑتون گنڈوک غٹ محکمہ غاتے مسافر آتا رکھ ءِ پک کننگ کن دمدتی گام گیج کننگے۔ غٹ محکمہ غاک دمدستی وڑاٹ رکھ انا بابت آڈٹ و اسیسمنٹ کیر و رپورٹ ءِ 7 دے انا تہہ ٹی پیش کننگے۔ بنجائی وزیر پارے کہ ایم ایل ون پاکستان کن اسہ اہم و سٹریٹجک ڈٹ اسے، ریلوائی نا کٹیا نا بہاؤ ءِ گچین کننگ ننااولیت ءِ۔
