اسلام آباد۔ 18 اگست (اے پی پی) اسپیکر قومی اسمبلی راجہ پرویز اشرف مسکوہی وزیر و سینئر راہشون پیپلزپارٹی آزاد کشمیر چوہدری پرویز اشرف و صدر پی پی پی ضلع بھمبر چوہدری ولید اشرف تون اوفتا لمہ نا کزیت آ ڈکھیائی وا ست ہسونی نا درشانی ءِ کرینے۔ قومی اسمبلی سیکرٹریٹ آن جاری اسہ بیان اسے ٹی اوپارے کہ ایماندار نا کزیت نا خبر ءِ بنگٹ بھاز است ہسونی مس، لمہ وباوہ قدرت نا انمول ٹیکی ءُ اوفتا کزیت آن ودی مروک آ خلاتادیر پُرمننگ کپک۔ اوپارے کہ غمزدہ خاہوت تون ہڑزخواہی و ہمدردی نا درشانی ءِ کیوہ، غم و ڈکھیائی نا داساہت اٹ چوہدری پرویز اشرف ، ولید اشرف و اونا خاہوت نا غم اٹی بریبر نا شریک اُٹ۔ اسپیکر اللہ تعالیٰ آن ایماندار نا درجہ غاتا بڑزی و پدسلوک آخاہوت ءِ دا بے بدل نسخان ءِ سگنگ کن صبر وجمیل عطاکننگ نا دعاکرے۔
