اسلام آباد۔ 18 اگست (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) دریائے ستلج اٹی بڑزکو درجہ نا نوکاپ نا رداٹ شیفکو علاقہ غاتا آبادی ءِ وخت آ پیشگی انتباہ و خطرہ غان دوچار آبادی نا کشنگ ءِ پک کننگ کن پارت جاری کرے۔ این ڈی ایم اے نا بشام اپڈیٹ نا رداٹ گنڈاسنگھ والا نا ہند آ دریائے ستلج اٹی بڑزکو درجہ نا نوکاپ ءِ۔ سلیمانکی …
این ڈی ایم اے دریائے ستلج اٹی بڑزکو درجہ نا نوکاپ نا رداٹ پیشگی انتباہ جاری کرے
گیشتریں ھال
اسلام آباد۔ 18 اگست (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) دریائے ستلج اٹی بڑزکو درجہ نا نوکاپ نا رداٹ شیفکو علاقہ غاتا آبادی ءِ وخت آ پیشگی انتباہ و خطرہ غان دوچار آبادی نا کشنگ ءِ پک کننگ کن پارت جاری کرے۔ این ڈی ایم اے نا بشام اپڈیٹ نا رداٹ گنڈاسنگھ والا نا ہند آ دریائے ستلج اٹی بڑزکو درجہ نا نوکاپ ءِ۔ سلیمانکی ٹی دریائے ستلج اٹی 19 اگست نا سہب انا 6 بجہ غان بڑزکو درجہ نا نوکاپ بننگ نا گمان ءِ وخت اس کہ اسلام نا ہند آ دریائے ستلج اٹی 21 اگست آن بڑزکو درجہ نا نوکاپ بننگ نا گمان ءِ۔ این ڈی ایم اے تینا ایڈوائزری ٹی پارینےکہ پنجاب پی ڈی ایم اے دریائے ستلج آ جی ایس والا، سلیمانکی و اسلام نا شیفکو علاقہ غاتا آبادی ءِ وخت آ پیشگی انتباہ جاری کرسا خطرہ غان دوچار بندغ آتا کشنگ ءِ پک کننگ نا پارت کرینے و پارینے کہ حساس علاقہ غاتا کنڈا ٹریفک نا ترندی نا منظم چاروکی ءِ کننگے، ہلہلہ ئی حالیت آتون مون تننگ کن مشینری ءِ تیار تخنگے و شیفکو علاقہ غاتیٹی رہینگوک آمخلوق نا ہمپفنگ کن بست وبند کننگے۔
