ریاض۔ 18 اگست (اے پی پی) سعودی ولی عہد و وزیراعظم شہزاد ہ محمد بن سلمان تون برطانوی وزیراعظم رشی سونک ٹیل فون آ رابطہ کرے و ہڑتوم آ ملک آتا تعلقداری آ گپ وتران کریر۔ سعودی خبررساں ادارہ نا رداٹ سعودی ولی عہد تون ٹیل فون آ رابطہ ٹی برطانوی وزیراعظم پارے کہ برطانیہ سعودی عرب تون مریس میعاد تعلقداری خواہک۔ اوپارے کہ برطانیہ علاقائی سوگوی و سعودی عرب نا امن نا رکھ انا پابندءِ۔ اوچکار کرفے کہ سعودی عرب جدہ مذاکرات نا میزبانی آن پد یوکرین نا بابت مثبت و تعمیری کڑد ادا کرے۔ داوخت آ ہڑتوم آ راہشونک سعودی عرب و برطانیہ نا نیام اٹ اسیجائی کمکاری و غٹ بشخ آتیٹی کمکاری ءِ پوسکن آ وڑتتون ہم گرنچ کرسا پین سوگو کننگ نا کوشست آتا جاچ ءِ ہلکر۔ اوفک علاقائی و جہانی حالات حاضرہ و دا بابت کروک آ کوشست آتیا گپ وتران کریر۔
