اسلام آباد۔17اگست (اے پی پی): ادارُکی بنجاھی کابینہ ءَ سوگند چست کت۔ پنچ شمبے ءِ روچ ءَ ایوان ءِ صدر مملکت ڈاکٹر عارف علوی ءَ ادارُکی کابینہ ءَ چہ سوگند گپت۔ اے موہ ءَ ادارکی مزن وزیر انوارالحق کاکڑ ھم ساڑی ات۔ ادارُکی بنجاھی وزیر ءَ ڈاکٹر شمشاد اختر، سرفراز بگٹی، جلیل عباس جیلانی، مرتضیٰ سولنگی، جمال شاہ، ڈاکٹر عمر سیف،گوہر اعجاز، شاہد اشرف تارڑ ، انیق احمد، لیفٹیننٹ جنرل (ر)انور علی حیدر، ڈاکٹر ندیم جان، محمد سمیع سعید ءُ احمد عرفان اسلم ھوار اتنت۔
