اسلام آباد۔ 17 اگست (اے پی پی) نگران وزیراعظم انوارالحق کاکڑ تون چیئرمین سینیٹ صادق سنجرانی اوڑدہی کرینے ۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ نگران وزیراعظم انوارالحق کاکڑ تون چیئرمین سینیٹ صادق سنجرانی اوڑدہی کرے۔ اوڑدہی ٹی صادق سنجرانی وزیراعظم ءِ وزارت عظمیٰ نا منصب ءِ سنبھالنگ آ مبارکبادی تس و اوڑکن نیک است خواہی نا درشانی ءِ کرے۔ نگران وزیراعظم چیئرمین سینیٹ نا منت واری ءِ ہرفے۔ چیئرمین سینیٹ اومیت ظاہر کرے کہ نگران حکومت السی است خواہی تا رداٹ نئے بیرہ الیکشن کمیشن نا ساف و شفاف گچین کاری تا اڈتننگ اٹ کمک کیک بلکن ملکی زرگزرانی شونداری نا سفر ءِ پین ترند کیک۔ نگران وزیراعظم پارے کہ نگران حکومت پبی کوشست کیک کہ دا چنکا وخت اٹی السی نمائندہ غاتا پت آ پورو سلے۔ داوخت آ سینیٹر دنیش کمار ہم ساڑی ئسک۔
