اسلام آباد۔ 17 اگست (اے پی پی) اسپیکر قومی اسمبلی راجہ پرویز اشرف رانی پور اٹی کودک چناسے نا زوال کننگ نا واقعہ نا نوٹس ءِ ہلسا پارینے کہ ننا راج اٹ چناتیا بیدادی نا ودوک آ کچ گڑتی نا سوب ءِ، چناتا رکھ ننا اجتماعی زمواری ءِ۔ پنچ شنبے نادے آ داکان جاری اسہ بیان اسے ٹی اورانی پور اٹی کودک چناسے نا زوال کننگ نا واقعہ غا است ہسونی نا درشانیءِ کرسا پارے کہ چنانا زوال کننگ آ است بھاز ہسون ءِ۔ اوپارے کہ قومی اسمبلی تدوک آ 16 تُو اٹی چناتا حق و رکھ اکن گیشتر اہم گام گیج کرینے انتئے کہ چناک ننا آخبت ءُ و چناتا رکھ ننااجتماعی زمواری ءِ۔ اوپارے کہ چناتیان مشقت ہلنگ نا کچ انا ہر کہول آ پبی حوصلہ شکنی ءِ کننگے۔ اوکانود نافذ کروک آ ادارہ غاتے پارت کرے کہ دا طرزعمل ءِ سنجیدگی اٹ ہلیر و داوڑنا واقعہ غاتا توننگ کن وخت آ و جوان گام گیج کننگے۔
