اسلام آباد۔ 17 اگست (اے پی پی) سفیر محمد سائرس سجاد قاضی پنچ شنبے نادے آ پاکستان نا 32 می سیکرٹری خارجہ نا وڑاٹ زمواری تے سنبھالا۔ اودے سیکرٹری خارجہ اسد مجید خان نا ریٹائرمنٹ آن پد پوسکن آ سیکرٹری خارجہ تعینات کننگانے۔ محمد سائرس سجاد قاضی ہڑتوم آکنڈ و کثیر جہتی سفارتکاری نا گیشتر آزموندہ تخک۔ او ہندوستان ، امریکہ و اقوام متحدہ(جنیوا) ٹی سفارتی خذمت سرتسنے۔ او 2015 آن 2017 اسکان ہنگری ٹی و 2017 آن 2022 اسکان ترکیہ ٹی پاکستان نا سفیر رہینگانے۔
