لاہور۔ 17 اگست (اے پی پی) ترجمان ڈیزاسٹر مینجمنٹ اتھارٹی پنجاب نا رداٹ دریائے ستلج اٹی دیر انا کچ اٹی پدریسہ ودکی مننگ ءِ، پنچ شنبے نادے آ جاری بیان نا رداٹ دریائے ستلج اٹی گنڈاسنگھ والا نا ہند آ شیفکو درجہ نا نوکاپ ءِ، ہراڑے 69 ہزار 220 کیوسک دیر انا ریلا گدرینگ انگ ءِ ولے بروک آ 24 گھنٹہ ٹی گنڈاسنگھ والا نا ہند آ نیمہ غان بڑزکو درجہ نانوکاپ نا خطرہ ءِ، گڑتی ءِ کہ بھارت 20 اگست اساکن دریائے ستلج اٹ پین دِیر ءِ یلہ کیک، ایلو کنڈا ڈی جی پی ڈی ایم اے عمران قریشی نا پاننگ ءِ کہ اوکاڑہ، قصور، پاکپتن، بہاولنگر ، وہاڑی، لودھراں، ملتان و بہاولپور نا ضلع دریائے ستلج آ واقع ءِ۔ تعلقدار ضلع غاتا انتظامیہ ءِ غٹ تر بست وبند آتے پورو کننگ نا پارت کننگانے کنٹرول روم 24 گھنٹہ دریاو بیراج آتیا دیر انا ترندی ءِ مانیٹر کننگ ءِ ، غٹ محکمہ غاتے ہروڑنا حالیت آتون مون تننگ کن تیاری تے پورو تخنگ نا پارت کننگانے، غٹ ڈپٹی کمشنر آتے ہلہلہ ئی حالیت آتون مون تننگ کن بھلو فنڈ اس تسنے، ڈپٹی کمشنر آتا ڈیمانڈ نا رداٹ پین گڑافراوان کننگ نا بست وبند ہم پورو ءِ۔
