کوئٹہ۔ 17 اگست (اے پی پی) محکمہ داخلہ بلوچستان صوبہ نا پوسکن آ رول آف لاء روڈ میپ 2023-26آ عملدرآمد بناکرینے، ہرانا رداٹ شاری تے انصاف اسکان رسینگ ءِ پک کننگ مریک ۔ محکمہ داخلہ غان جاری بیان نا رداٹ حکومت بلوچستان اقوام متحدہ نادفتر انسداد منشیات و ڈوہ انا توننگ نا ادارہ (یواین اوڈی سی ) نا کمک اٹ پوسکن توثیق مروک رول آف لاء روڈ میپ 2023-2026نا نفاذ نا بنانا پڑو ءِ کرے۔ عبدالعزیز عقیلی چیف سیکرٹری بلوچستان پارے کہ پوسکن آ دُوارہ توثیق مروک رول آف لاء روڈ میپ 2023-26ننا کانود نا حکمرانی نا ادارہ غاتے خذمت آتا فراوانی ءِ گچین کننگ و انصاف نا نظام آ شاری تا پت ءِ ودفنگ اٹ کمک فراوان کیک۔ صالح محمد ناصر ایڈیشنل چیف سیکرٹری محکمہ داخلہ کانود نا روڈ میپ نا ڈیزین و است جم و وخت آ اصلاحات و کانود نانفاذ ءِ مون آ دننگ اٹ یواین اوڈی سی نا پدریسہ تکنیکی کمک نااعتراف ءِ کرے۔ یواین ڈی پی و یواین ویمن ہم بلوچستان نا رول آف لاء روڈ میپ نا شونداری کن خاطر خواہ کمک فراوان کرینو۔ جیریمی ملسم نمائندہ یوایناوڈی سی پاکستان پارے کہ روڈ میپ نا اصلاحاتی حکمت عملی نا مرکز اٹ پت انا قابل شاہدی تا بنداو آ اصلاحات ءِ مون آ دننگ کن نظام نا پورو نقطہ نظر ءِ۔ UNODCتین پہ تینی کمکاری نا کمک اٹ کانود نافذ کروک آ ادارہ غاتا لائخی تے سوگوکننگ کن روڈ میپ نا نفاذ اٹ کمکاری کن سنبرینگوک ءِ۔
