کوئٹہ۔ 17 اگست (اے پی پی) میئرکارپوریشن سردار اکبر خان ترین پارینے کہ اسہ جوان ءُ قوم اسے نا جوڑ کننگ کن جان جوڑ چاگڑد نا ساڑی گری اہمیت تخک و پھل و نیال دھرتی نا زیبائی و انسانی بقانا المی جزءِ وخت اس کہ چاگڑد نا زیبائی ٹی سوزہ زار درخت و سفائی و ستھرائی نا بھلو کڑد اس مریک۔ داخیال آتا درشانی ءِ او تینا دفتراٹی چندی ڈل آتا نمائندہ غاتون گپ وتران کرسا کرے۔ داوخت آ ڈپٹی میئر عبداللہ خان کاکڑ و چیف آفیسر منظور احمد مینگل ئسک ہم ساڑی ئسر۔ سردار اکبر خان ترین پارے کہ ہر شاری تینا وس انا رداٹ شار ءِ زیباکننگ اٹ کمکار مننگ کیک اگہ شاریک تینا دامون ایمون نا چاگڑد ءِ سہی کننگ اٹ زرس وخت کشر توچاگڑدتروتازہ و شاری زندا ٹی نکھار و زیبائی ودی کننگ مریک۔ اونا پاننگ ئس کہ شار انا باتی تے ننتون بھلو اومیت اس وابستہ ءِ ہرادے مون آ تخسا کنا کوشست مریک کہ شاری تے آسراتی فراوان کننگے و شار اٹی ساڑی پارک، چوک، و السی ہند آتا زیبائی کن خصوصی گام گیج کننگے۔
