کوئٹہ۔ 17 اگست (اے پی پی) بلوچستان پولیس غٹ نجی و سرکاری گاڈی تیان وزرااراکین اسمبلی و کوآرڈی نیٹر آتا نمبر پلیٹ آتے کشنگ کن 24 گھنٹہ نا مہلت ترسا گاڈی تیا لگوک داوڑناغیرکانودی نمبر پلیٹ آتا برخلاف آپریشن نا بناءِ کننگ نا فیصلہ کرینے۔ پنچ شنبے نادے آ بلوچستان پولیس نا ترجمان جاری اسہ بیان اسے ٹی پارے کہ اسمبلی تا تحلیل آن پد گاڈی تیا وزیر، ایم این اے، ایم پی اے ، کوآرڈی نیٹر آتا پلیٹ و نجی گاڈی تیا نیلی بتی نا خلنگ غیرکانودی عمل اسے۔ گاڈی تیاداوڑنا نمبر پلیٹ و بلیوبتی خلوک آتے نمبرپلیٹ و بلیوبتی تے اینک کننگ کن 24 گھنٹہ نا وخت تسنے، تخوک آ وخت آن پد داوڑنا گاڈی تا برخلاف کریک ڈاؤن نا بناءِ کننگک و غیرنمونہ نمبر پلیٹ والا گاڈی مالک آتا برخلاف بے پرخ کارروائی کننگک ۔
