اسلام آباد۔16اگست  (اے پی پی): ادرُکی  مزن وزیر  انوار  الحق   کاکڑ   ءَ گوں پاکستان   ءِ معاشی  برجائی  ءُ دیمروئی  ءِ واستہ   متحدہ عرب امارات  حکومت ءِ  مدامیگیں   کمک  آنی  پد ءَ شگر ءُ منت  واری    گران ءَ   گوشتگ کہ   ھاسیں  سرمایہ  کاری    آسراتی   ھاسیں رنگ ءَ  متحدہ عرب امارات ءَ چہ  گیر ملکی سرمایہ کاری  ءَ    را  گیش  ترند کنگ ءِ بنیا   ت  ءَ ایر کنت۔   چار شمبے ءَ  مزن وزیر کارگس  ءِ  میڈیا ونگ ءِ  نیمگ ءَ جاڑی بوتگیں   بیان ءِ ردءَ   ادارکی     مزن وزیر انوار الحق  کاکڑ  ءَ   گوں  متحدہ عرب امارات  ءِ سفیرحماد عبید ابراہیم سالم الزابی  ءَ   گند ءُ نند  کت۔ متحدہ عرب امارات  ءِ سفیر  ءَ  مزن وزیر  ءَ را  سیٹ  ءَ نندگ ءِ پد ءَ مبارک بات  دات۔ ادارکی  مزن وزیر  انوار الحق    کاکڑ  ءَ گوشت کہ پاکستان ءُ متحدہ عرب امارات  ءِ  نیام  ءَ تاریخی   ءُ  جھلانکیں  یکوئی  است۔  آئی ءَ  پاکستان ءِ    معاشی   برجائی ءُ دیمروئی  ءِ   واستہ    متحدہ عرب امارات  حکومت  ءِ   مدام کمک   کنگ ءِ پد  ءَ   شگر   ءُ  منت واری  گپت۔ مزن وزیر    ءَ گوشت کہ آ  متحدہ  عرب  امارات  ءِ گوما   جتا  جتائیں  شوبگ    ھاسیں رنگ  ءَ تجارت،   سرمایہ کاری  ءُ  ھاٹیگ   ءَ  دوئیں ملک آنی وت  مہ وتی کمک آنان دیم ءَ جنزینگ  ءِ واستہ کار  کنگ ءِ  وداریگ انت۔  آئیءَ اے سال ءِ گڈ  ءَ متحدہ عرب  امارات  ءَ کوپ   28    سمٹ  ءِ کامیاتی  ءِ واستہ  نکیں   واھشت آنی  درشان کت۔   مزن وزیر ءَ متحدہ عرب   امارات    ءَ نندوکیں پاکستانی آنی   ارزشتی  ایں کرد ءِ  ھوالگ ءَ  زور  پر دات ءُ امیت   سہرا  کت کہ متحدہ  عرب  امارات  ءِ حکومت  آئی  ءِ  یک  شلیں مک  ءَ را   جاڑی  دار ائیت۔

متعلقہ مضامینمصنف کی طرف سے مزید