اسلام آباد۔16اگست (اے پی پی): ادارُکی مزن وزیر انوار الحق کاکڑ ءَ جڑانوالہ، فیصل آباد ءِ واکیہ ءِ پد ءَ اپسوزی ءِ درشان ءَ کنان ءَ دل یکیمی داتگ کہ کانود ءَ ر ا لگت مال کنوک ءُ گور آناں نشانگ بندوک آنی ھلاپ ءَ ترندیں کاروائی کنگ بیت۔ چار شمبے ءِ روچ ءَ وتی ٹویٹ ءَ ادارکی مزن وزیر ءَ گوشت کہ جڑانوالہ، فیصل آباد ءَ چہ رستگیں ھال آنی ھوالگ ءَ گوں دل ءِ جھلانکاں گمیگ آں۔ کانود ءَ را لگت مال کنوک آنی ھلاپ ءَ ترندیں کاروائی کنگ بیت۔ آئی ءَ گوشت کہ توامیں کانود ءَ را مھکم داروکیں ادارگ آناں پنت ءُ شون کنگ بوتگ کہ اے واکیہ ءَ گوں دست مانجنیں مردم آناں دزگیر کنان ءَ آواناں گڈی آپ سر ءَ سر کنگ بہ بیت۔ آئی ءَ گوشت کہ حکومت ءِ پاکستان درئی نیک راہ ءِ منوکیں مردم آنی گوما ھمکوپگ اوشتاتگ۔
