اسلام آباد۔ 16اگست (اے پی پی) نگران وزیراعظم انوارالحق کاکڑ تون مسکوہی صوبائی وزیر بلوچستان میر سرفراز چاکر ڈومکی و آغا شکیل احمد درانی ئسک اسلام آباد اٹی اوڑدہی کریر۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی ہڑتوم آ راہشونک نگران وزیراعظم ءِ وزارت عظمیٰ نا منصب ءِ سنبھالنگ آ مبارکبادی تسر و نیک است خواہی نا درشانی ءِ کریر۔ وزیراعظم ہڑتوم آ راہشون تا منت واری ءِ ہرفے۔
