اسلام آباد۔ 16 اگست (اے پی پی) صدر مملکت ڈاکٹر عارف علوی تون سیکرٹری خارجہ ڈاکٹر اسد مجید خان سفاروکی اوڑدہی کرینے۔ صدر مملکت ڈاکٹر اسد مجید خان ءِ 31 می سیکرٹری خارجہ نا وڑاٹ سرسہبی اٹ مد ءِ پورو کننگ آ مبارکبادی تس۔ ایوان صدر نا پریس ونگ انا رداٹ صدر مملکت چندی امور تیا پاکستان نا موقف ءِ تالان کننگ اٹ ڈاکٹر اسد مجید نا خذمت آتا ستاءِ کرے و اونا کسبی لائخی، خارجہ پڑآ گام گیج آتاہم ستاءِ کرے۔ داوخت آ صدر مملکت ریٹائرمنٹ آن پد انا زند اکن ڈاکٹر اسد مجید خان کن تینا نیک است خواہی نا درشانی ءِ کرے۔
