راولپنڈی۔ 16 اگست (اے پی پی) سیکورٹی فورس آک سے شنبےآ قطبی وزیرستان نا علاقہ رزمک اٹی دہشت گرد آتا ساڑی گری نا حوال آ آپریشن کریر و اسہ ایلو آ سم کاری ٹی اِرا دہشت گرد آتےخلکر۔ آئی ایس پی آر نا رداٹ انٹیلی جنس بیسڈ آپریشن اٹی 14 و 15 اگست نا نیامی نن فورس آک دہشت گرد آتا ٹھکانہ غاتے شست کریر و اسہ ایلو آ سم کاری آن پد اِرا دہشت گردآتے خلکر۔ فورس آک خلوک آ دہشت گرد آتیان سلہہ و گولہ بارود ہم دوئی کریر، دہشت گرد آک بھتہ خوری و کودک شاری تا ٹارگٹ کلنگ تون اوار دہشت گردی نا ایلو ڈوہ تیٹی ہم سرگرم ئسر۔ آئی ایس پی آر نا رداٹ علاقہ ٹی مروک آایلو دہشت گرد آتے چٹفنگ کن علاقہ ٹی آپریشن برجاءِ۔ علاقہ ٹی رہینگوک آک آپریشن نا ستاءِ کریر و دہشت گردی نا لعنت نا چٹفنگ کن سیکورٹی فورس آتے پبی کمکاری نا باوری کرفیر۔
