اسلام آباد۔ 16 اگست (اے پی پی) ڈپٹی چیئرمین سینیٹ مرزا محمد آفریدی پارینے کہ پاکستان موسمیاتی بدلی آن بھاز ہمی ملک آتیان اسٹ ءِ، ننے موسمیاتی بدلی نا نتیجہ ٹی پیش مروک آ آفت آتون مون تننگ کن تیاری کروئی مریک، دا بابت ایڈوانس ٹیکنالوجی آن فائدہ ہرفنگ نا گرج ءِ، ہراڑکن نن ورناتاآئیڈیاغاتے بایدے تینا کین۔ داخیال آتا درشانی ءِ او نیشنل ڈیزاسٹر مینجمنٹ اتھارٹی نا کنڈآن ’’ڈیزاسٹررسک رڈکشن ‘‘ نا سرحال آن اسلام آباد اٹی اڈہلوک ایکسپونا بنائی دود آن تران کرسا کرے۔ اوڈیزاسٹر رسک رڈکشن کن کروک آ گام گیج آتیٹی جامعہ غاتے اوار کننگ نا گام ءِ ستاکڑزوک گوندا و پارے کہ تدوک آ کیہی سال آن دنیا ءِ ہراآفت آتا مون تروک ءِ اوڑکن پبی گام گیج کروئی تمک۔ اوپارے کہ موسمیاتی بدلی نا بھسکاری تتون مون تننگ کن ایڈوانس ٹیکنالوجی نا گرج ءِ، نن ورناتا آئیڈیا غاتے بایدے تینا کین۔ اوپارے کہ ای پاکستان اٹ کاریم کروک آ این جی اوتا منت وار اُٹ ہراچندی وڑنا آفت آتیٹی زہمی تے کمک فراوان کیرہ نن گچین انفراسٹرکچر اٹ ہم قدرتی آفت آتا مقابلہ ءِ کننگ کپنہ ولے اوفتا بھسکاری تے کم کننگ کن گام گیج کننگ کینہ۔
