اسلام آباد۔ 15 اگست (اے پی پی) اسپیکر قومی اسمبلی راجہ پرویز اشرف جسٹس ریٹائرڈ مقبول باقر ءِ نگران وزیراعلیٰ سندھ تقرری آ مبارکبادی ترسا اوڑکن نیک است خواہی نا درشانی ءِ کرینے۔ سے شنبے نادے آ تینا تہنیتی کلہو اٹی او پارے کہ جسٹس ریٹائرڈ مقبول باقر اسہ ماہرو جوان ءُ شہرت تخوک کانوددان اسے۔ اومدام آئین و کانود نا بالادستی ءِ مون آ تخا و بطور کانود دان انصاف آ تالان فیصلہ کرینے۔ اومیت ءِ بطور نگران وزیراعلیٰ او تینا آئینی خواست آتے پورو کیک و جمہوریت نا تسلسل کن تینا کڑد ءِ ادا کیک۔ اواومیت ظاہر کرے کہ جسٹس ریٹائرڈ مقبول باقر نا کماشی تی صوبہ سندھ اٹی ساف و شفاف گچین کاری اڈ ہلیک۔
