وزیراعلیٰ بلوچستان میر عبدالقدوس بزنجو نا انوارالحق کاکڑ ءِ مبارکباد

کوئٹہ۔ 15 اگست (اے پی پی) وزیراعلیٰ بلوچستان میر عبدالقدوس بزنجو نگران وزیراعظم نا منصب ءِ سنبھالنگ آ انوارالحق کاکڑ ءِ مبارکبادی تسنے و پارینے کہ اینو نا اہم قومی دے آ نگران وزیراعظم نا عہدہ ءِ سنبھالنگ  نیک بختی اسے، مچ آ قوم انا خنک نگران وزیراعظم نا کنڈآٹی ءُ، گچین کاری تا تخوک آ مد انا تہہ ٹی ساف و شفاف اڈتننگ نگران وزیراعظم نا اولی زمواری ءِ۔ وزیراعلیٰ پارے کہ او نگران وزیراعظم نا سرسہبی تیکن مدام دعا کیک، نگران وزیراعظم نا تعلق بلوچستان آن مننگ ننا غٹ اکن شرفمندی نا سوب ءِ۔ اوپارے کہ انوارالحق کاکڑ بی اےپی نا اہم راہشون و ننا باپت سنگت ءِ، اومیت ءِ کہ او تینا غٹ ترلائخی و توانائی تے آئینی زمواری تا ادائیگی کن کاریم اٹ اتیک۔