قائداعظم    ءَ ھوار   نامداریں سروک آنی   اے  گران بھائیں   ٹیکی   آنی     پد ءَ   آوانی    شگر ءُ منت واری  باں،  مزن وزیر  شہباز شریف  ءِ  76  ھپتاد ءُ ششمی   یوم  ءِ آزاتی  ءِ موہ  ءَ مبارک بات

اسلام آباد۔13اگست  (اے پی پی): مزن  وزیر  محمد  شہباز شریف  ءَ  76  ھپتاد ءُ ششمی  یوم  ءِ آجوئی  ءِ موہ ءَ راج ءَ را  مبارک  بات   دیان ءَ گوشتگ کہ  قائداعظم    ءَ  ھوار ایندگر   شرپ  مندیں  سروک آں  اے  گران  بھائیں   ٹیکی   ءِ    پد ءَ  مدام   آئی  شگر ءُ منت وار  باں، پاکستان ءِ   سسا    بے   مٹ ءُ  بے درور انت،    آزاتی  ءِ جوزگ  پاکستان  ءِ    استیں    جیڈھ  آنی گر ءُ دا ر  کنگ ءُ  یک انچیں  راجے  ءِ    جوڑیشت ءِ واستہ   ھیل کاری   دنت  انت۔ ایش  انصاف ،  یکوئی  ءُ  درستانی واستہ وشھالی  ءِ رھبند  آنی  رد ءَ انت،   یوم آزاتی  ءِ   پد ءَ ما وتی کشمیری   برات آنی   آجوئی  جہد ءُ کوشست  آنی سیاسی، سفارتی   ءُ اخلاقی   کمک   آنی یک رند ءِ  پد ءَ   در شان ءَ کناں۔   مزن وزیر  کارگس      ءِ  میڈیا  ونگ ءِ نیمگ ءَ جاڑی بوتگیں  بیان ءِ  رد ءَ  مزن وزیر  شہباز شریف   ءَ  یوم  ءِ آزاتی   ءِ  پد ءَ وتی   کلوہ  ءَ   گوشت کہ   راج    مرچی  پاکستان  ءِ   ھپتاد ءُ  ششمی    آزاتی   ءِ  سالروچ  ءَ   برجم دارگ   ءَ انت۔    اے موہ ءَ   زر  ءَ آدیم   نندوکیں  پاکستانی آں  ھوار   سرجمیں راج  ءِ  دل  ءِ جھلانک آں گوں مبارک  بات   دنت انت۔