راولپنڈی۔13اگست (اے پی پی):باجوڑ ءَ سیکورٹی فورسز آنی آ ٌپریشن ءِ ساھت ءَ 4 ناشرکار جہندم ءَ شتگ انت وھدیکہ یک ناشرکار ءِ دزگیر کنگ بوتگ ءُ یک ورنا ءِ شہید بوتگ۔ فوج ءِ ادارگ آئی ایس پی آر ءِ نیمگ ءَ جاڑی بوتگیں پریس ریلیز ءِ رد ءَ 12/13 اگست 2023 ءِ نیامی شپ ءَ سیکورٹی فورسز ءَ ناشرکار آنی استیں اھوال ءِ پد ءَ ضلع باجوڑ ءِ دمگ چارمنگ ءَ انٹیلی جنس ءِ رد ءَ آپریشن کت، ایشی ءِ ساھت ءَ سیکورٹی فورسز ءُ ناشرکار آنی نیام ءَ سک باز فائرنگ بوت۔ آپریشن ءِ ساھت ءَ 4 ناشرکار آناں جہندم ءَ روان دیگ بوت وھدیکہ یک ناشرکار ءِ دزگیر کنگ بوت۔ ناشرکار آں چہ وت کشی کنگ ءِ جیکٹ، وتاس، بمب ءُ گولہ دزگیر کنگ بوت۔
