اسلام آباد۔13اگست (اے پی پی): صدر مملکت ڈاکٹر عارف علوی ءَ وطن ءَ نندوکیں مردم آناں 76 سالروچ ءِ پد ءَ مبارک بات داتگ ءُ گوشتگ کہ اے روچ ءَ ما پاکستان ءِ جوڑیشت کار ءُ تحریک پاکستان ءِ باسک آنی قربانی ءَ را توسیپ ءُ ستا پیش کناں۔ مرچی راج ءِ استیں جیڈھ ، چاگردی، سیاسی، معاشی ءُ سیکورٹی جیڈھ آں گوں گر ءُ چیل بوھگ ءِ واستہ یکجا بوھگ ءِ ضلورت انت۔ آجوئی ءِ روچ ءِ موہ ءَ راج ءِ نام ءَ وتی جاڑیگیں کلوہ ءَ صدر مملکت ءَ گوشت کہ پاکستان ءِ جوڑیشتکار ءُ تحریک آزاتی ءِ باسک آناں توسیپ ءُ ستا پیش کنت۔ ھماواں کہ سکیں ساھت آنی گوما دیم پہ دیمی کتگ ءُ پاکستان ءِ در جنگ ءِ واستہ وتی پیرین آنی ڈگار ءُ ھند آنی قربانی داتگ ءُ الس ءِ وشھالی ءِ واستہ کار کنگ لوٹ ائیت۔
