اسلام آباد۔13اگست (اے پی پی):پاکستان ءَ چینی سفارتخانہ ءَ گوشتگ کہ یک شمبے ءِ روچ ءَ 13 اگست ءَ بلوچستان ءِ دمگ گوادر ءِ دکہ ءِ نزیک َ چینی شہری آناں بروکیں قافلہ ءِ سر ءَ ارش کنگ بوتگ، اے واکیہ ءَ اچ کس ءَ را جانی تاوان نہ بوتگ ءُ سیادی داروکیں کارندہ آنی رکھینگ بوتگ، چینی سفارتخانہ ناشرکاری ءِ اے واکیہ ءَ را مذمت کنت۔ کراچی ءَ سفارت خانہ ءُ قونصلیٹ جنرل ءَ ایمرجنسی بنایت ءَ درشان کنانت ءَ پاکستانی کارندہ آناں اے ارش ءَ سرجمیں پٹ پول کنگ، کسور وار آناں ترندیں سزا دیگ، اے رنگیں واکیہ ءَ را دوارگ بوھگ ءِ گر ءُ دار کنگ ءِ واستہ پکوئیں گامگیج کنگ ءِ دزبندی کتگ۔ چین ناشرکاری ءِ ھوپ ءُ بیم ءَ چہ یکجائی رنگ ءَ مقابلہ کنگ ءُ پاکستان ءَ چینی کارندہ، ادارگ ءُ منصوبگ آنی رکھینگ ءِ واستہ پاکستان ءِ گوما یکجائی ءَ کار آناں جاڑی دار ائیت۔ استیں سیکورٹی جاور ھال آنی رد ءَ، چینی سفارتخانہ پاکستان ءَ چینی شہری الس آناں یات ءُ گیج ائیت کہ آ تیار بہ بنت ءُ اناگہ ءَ بیم ءُ ھوپ ءِ جاور آنی رد ءَ وتارا رکھینت بکناں۔ تانکہ آوانی جان ءُ مال ءِ رکھینگ ءَ را دل یکیمی جوڑ کنگ بہ بیت۔
