اسلام آباد۔11اگست (اے پی پی):پاکستان سول ایوی ایشن اتھارٹی ءَ 15 ماہ ءِ ساھت ءَ لاہور، فیصل آباد ءُ کوئٹہ ءِ بالی پٹ آنی رن ویز آنی اپ گریڈیشن ءِ واستہ گامگیج کنگ بوتگ، گوادر ائیر پورٹ ءِ سرجمی گڈی سیم سر ان اِنت۔ ایش دسمبر 2023 ءَ سرجم کنگ بیت۔ اے گپ پاکستان سول ایوی ایشن اتھارٹی ءِ ڈائریکٹر جنرل خاقانم مرتضیٰ ءَ گوستگیں روچ ءَ یک بریفنگ ءِ ساھت ءَ گوشت انت۔ آئی ءَ گوشت کہ پاکستان سول ایوی ایشن اتھارٹی ءِ استیں جیڈھ آنی جوانی ءَ دیم پہ دیمی کتگ ءُ گیش گہتری ءِ واستہ ارزشتی ایں گامگیج چست کنگ بوتگ۔ گوست ءِ لستیں نہ وشیں گامگیج آنی سبب ءَ پاکستان ءَ بالی پڑ ءَ را سک باز تاوان رستگ، ایشی ءَ ابید ما پاکستان ءَ سول ایوی ایشن ءَ را دوارگ وتی پاد آنی سر ءَ اوشتارینتگ۔ آئیءَ گوشت کہ اے وھد ءُ پاس ءِ ساھت ءَ 6۔5 ارب کلدار ءِ کساس ءَ علامہ اقبال انٹرنیشنل ائیر پورٹ لاہور ءِ مین رن وے ءِ نوک سر جوڑیشت ءُ اپ گریڈیشن کنگ بوتگ۔ آئی ءَ گوشت کہ فیصل آباد انٹرنیشنل ائیر پورٹ ءِ کوھنیں رن وے ءِ جاہ ءَ کساس 4.6 ارب کلدار ءِ کساس ءَ نوکیں کنٹریکٹ رن وے ءِ جوڑیشت کنگ بوتگ۔ نوکیں رن وے ءِ سر ءَ کیٹگری ون ءِ ائیر فیلڈ لائٹنگ سسٹم پٹ کنگ بوتگ۔ ڈی جی سلو ایوی ایشن اتھارٹی ءَ گیش گوشت کہ کو ئٹہ انٹرنیشنل ائیر پورٹ ءِ سر ءَ کساس 6.2 ارب کلدار ءِ کساس ءَ کوھنیں رن وے ءَ را کیٹگری ای ( 777 بوئنگ )آپریشن ءِ واستہ اپ گریڈ کنگ بوتگ ایشی ءَ چہ 77 بوئنگ بالیگ یا ایشی ءِ ھمکچیں وائڈ باڈی جہاز لینڈ نگ کت کناں۔ آئی ءَ گوشت کہ نوکیں رن وے ءِ سر ءَ کیٹگری ٹو ءِ ائیر فیلڈ لائٹنگ سسٹم پٹ کنگ بوتگ۔ خاقان مرتضیٰ ءَ گوشت کہ آیوکیں زوتاں مرید کے ءِ ایروڈوم پراجیکٹ جوڑ کنگ بوھگ ءَ انت۔ ایشی ءَ چہ 4.1 ارب کلدار کئیت انت۔ اے منصوبگ ءِ 72 درسد کار سرجم بوتگ ءُ ایندگر کار اکتوبر ءَ سرجم کنگ بنت۔ آئی ءَ گوشت کہ نو گوادر انٹرنیشنل ائیر پورٹ 51.2 ارب کلدار ءِ کساس ءَ چہ جوڑ کنگ بوھگ ءَ انت ایشی ءَ چہ کساس 34 ارب کلدار چین ءِ حکومت ءَ پجاری کتگ۔ اے منصوبگ دسمبر 2023 ءَ تاں سرجم کنگ بیت۔
