اسلام آباد۔11اگست (اے پی پی):صدر مملکت ڈاکٹر عارف علوی ءَ مزن وزیر ءُ بُکگ جنوکیں پارٹی ءِ سروک ءَ را 12 اگست ءَ تاں ادارُکی مزن وزیر ءِ نام ءِ دیگ ءِ گوشت۔ ایوان ءِ صدر ءِ پریس ونگ ءِ رد ءَ صدر مملکت ءَ مزن وزیر محمد شہباز شریف ءُ پروشتگیں راجی اسمبلی ءِ اپوزیشن پارٹی ءِ سروک راج ریاض احمد ءَ را نمدی ءِ نبشتہ کت ایشی ءِ اندر ءَ آئی ءَ گوشت کہ کانود ءِ آرٹیکل 224 یک اے ءِ چیر دستی ءَ صدر مملکت مزن وزیر ءُ بُکگ جنوکیں پاٹی ءِ شور ءُ مشور ءَ چہ ادارُکی مزن وزیر ءَ را نامین ائیت۔ کانود ءِ رفد ءَ مزن وزیر ءُ بُکگ جنوکیں پارٹی ءَ را راجی اسمبلی ءِ پروشگ ءِ 3 روچ ءِ اندر ءَ ادارُکی مزن وزیر ءِ نام ءَ را گچین کنگی بوتگ۔ صدر مملکت ءَ گوشت کہ من مزن وزیر ءِ ایڈوائس منظور کتگ ایشی ءِ نتیجگ ءَ 9 اگست ءَ راجی اسمبلی ءَ را پروشگ ءِ حکم دست چنگل جتگ۔ مزن وزیر ءُ بُکگ جنوکیں پارٹی 12 اگست ءَ تاں یک نام ءِ گچین بکنت۔
